Starti horror s’e demoralizon, Klop: Preferoj një nisje të keqe, por me një fund pozitiv!

Humbja e parë e Gjermanisë nën drejtimin e Jürgen Klopp u regjistrua në Augsburg. Përballë ishte një kundërshtar që deri në atë sfidë nuk kishte arritur kurrë të fitonte në tokën gjermane.

Kjo disfatë e ka vendosur sot trajnerin në qendër të kritikave. Megjithatë 59-vjeçari ka zgjedhur të ruajë qetësinë. Ai kërkoi më shumë kohë dhe durim për t'i dhënë skuadrës formën e dëshiruar.

Bëhet fjalë për një nisje pa precedent në pankinën gjermane. Asnjë komisar teknik më parë nuk e kishte filluar aventurën me një barazim dhe një humbje.

Përballë presionit, Klopp u përgjigj shkurt. "Nuk dua të mendoj shumë për ndeshjet e luajtura pasi kemi dhe dy të tilla që na presin në ditët në vazhdim. Për startin e dobët nuk mund të them asgjë më shumë. Preferoj një start të dobët, por një fund pozitiv", tha ai.