“Siç bëmë edhe me TikTok-un…”- Rama: Do nisim konsultimet për kufizimin e rrjeteve sociale për të miturit! Në diskutim mosha, 16 apo 18 vjeç

Kryeministri Edi Rama shpalli nisjen e konsultimeve me mësues, prindër dhe institucione arsimore për kufizimin e aksesit të të miturve në platformat sociale. Deklarata u dha gjatë mbledhjes së Këshillit Kombëtar për të Drejtat dhe Mbrojtjen e Fëmijëve.

Në qendër të diskutimeve do të jetë kufiri i moshës. Opsionet e vërteta janë 16 dhe 18 vjec. Deri atë moment fëmijët nuk do të kenë mundësi të krijojnë llogari personale.

Rama theksoi se rrjetet kanë rishkruar mënyrën se si socializohen të rinjtë. Ato krijojnë një izolim të rrezikshëm dhe e zhduken kufirin midis realitetit dhe botës virtuale, supoi ai.

Kryeministri iu referua përfshirjes së të rinjve në protestat e dhunshme të kohës së fundit. Fenomeni kërkon qasje të reja ndaj socializimit fizik, theksoi ai.

"Situata e krijuar me vite në Europë dhe në Shqipëri, me arsyje të ngjashme por edhe të ndryshme, kërkon një qasje të re ndaj të gjithave që ndihmojnë socializimin fizik të njerëzve", tha Rama. Sipas tij, psikologët janë arritur në konkluzion se shumë të mitur e shohin dhunën si një eksperiencë "playstation" dhe nuk e kuptojnë natyrën reale të saj.

Konsultimet do të zhvillohen sipas modelit të përdorur për kufizimin e TikTok-ut. Do të përfshijnë mësuesit, prindërit dhe shkollat. Rama shpjegoi se kjo është një trend i qartë në disa vende demokratike.