Shpërthimi në pikën e karburantit te “Brryli”, 4 persona shoqërohen në Polici! Do pyeten edhe drejtuesit teknikë

Hetimet aktive për shpërthimin në pikën e karburantit EIDA në zonën e Brrylit në Tiranë çuan në shoqërimin e katër personave në polici për pyetje.

Mes tyre janë administratori i subjektit, dy punonjës të shërbimit, si dhe dëshmitarë që ishin aty në momentin e ngjarjes.

Për të kuptuar shkakun e shpërthimit, hetuesit pritet të shtrijnë pyetjet edhe te përgjegjësit e sigurisë dhe mirëmbajtjes së impiantit. Gjithashtu, në orët në vijim do të shoqërohet edhe inxhinieri drejtues teknik i stacionit.

Dëshmitë e këtyre personave do të jenë thelbësore për të përcaktuar nëse procedurat teknike dhe masat e sigurisë ishin respektuar sipas normave në fuqi.