ABC24.al është gazeta dixhitale shqiptare që ofron lajme të besueshme, analiza të thelluara dhe reportazhe ekskluzive 24 orë në ditë.
Rreth 4 mijë banorë të zonave të ndryshme rurale që lidhen me qytetin e Shkodrës me urën e Bardhajve rrezikojnë

Rreth 4 mijë banorë të zonave të ndryshme rurale lidhen me qytetin e Shkodrës përmes urës së Bardhajve. Ata rrezikojnë çdo ditë gjatë kalimit, sepse ura ka pësuar dëmtime në pjesë të ndryshme.
Projekti për rikonstruksionin e saj u lajmërua në muajin qershor. Ende nuk ka nisur të zbatohet.
Ura e Bardhajve lidh qytetin e Shkodrës me fshatrat e zonës së Rrethinave. Ajo po shkon drejt degradimit, shkruan A2.
Afro 4 mijë banorë kalojnë në këtë urë. Kanë apeluar vazhdimisht që të merren masa, pa pritur ndonjë ngjarje më të rëndë. Tani, para stinës së dimrit dhe reshjeve që pritet të shtohen, apeli është përsëritur sërish.
Rritja e nivelit të lumit Kir rrezikon akoma më shumë qëndrueshmërinë e kësaj ure.
Problematikat e gjendjes së kësaj ure pranohen edhe nga Bashkia e Shkodrës. Në qershor të këtij viti ajo lajmëroi hartimin e një projekti për rikonstruksionin e plotë të saj, në bashkëpunim me Emergjencat Civile. Deri më tani, megjithatë, nuk ka asnjë veprim konkret.
Shkruar nga
Redaksia ABC24
Artikujt e firmosur "Redaksia ABC24" përgatiten nga desku qendror i lajmeve — ekipi që mbulon lajmet 24 orë në 7 ditë. Sinjalet e lexuesve, lajmet e minutës së fundit dhe kërkesat për korrigjim kalojnë të gjitha nga kjo tryezë redaksie, ku çdo tekst rishikohet kolektivisht para publikimit.
Diskutimi
Komentet miratohen nga redaksia para se të shfaqen.