Riaktivizohet zjarri në Lezhë, mbi 5 vatra aktive

Zjarri që shpërtheu në fshatin Rras të Njësisë Administrative Ungrej është riaktivizuar sërish gjatë pasdites së sotme, më 8 shtator. Sipas informacioneve nga terreni, tashmë janë identifikuar mbi pesë vatra aktive flakësh.

Më parë gjatë ditës, situata ishte trajtuar me ndërhyrje tokësore dhe ajrore duke e vënë përkohësisht nën kontroll. Megjithatë, banorët e zonës raportojnë se zjarri është rikthyer me forcë dhe po shfaq tendencë për t’u afruar drejt zonave të banuara.

Përhapja e shpejtë e flakëve ka shkaktuar shqetësim të madh në komunitet. Në këto kushte, banorët apelojnë për ndërhyrje të menjëhershme nga strukturat e emergjencës. Qëllimi është bllokimi i avancimit të zjarrit dhe parandalimi i rrezikut për banesa.

Autoritetet po monitorojnë vazhdimisht zhvillimin. Parandalimi i përhapjes së mëtejshme mbetet prioritet për ekipet në terren.