Rama zbulon pse policia përdori plumbat e gomës: Efektivit iu ça nofulla

Kryeministri Edi Rama ka dhënë shpjegime për arsyet e përdorimit të plumbave të gomës nga Policia gjatë protestave të zhvilluara në Tiranë.

Sipas kreut të qeverisë, ndërhyrja erdhi pas plagosjes së punonjësve të rendit. Ai u shpreh se një efektiv u godit me zgarë çeliku dhe pësoi çarje të nofullës. Një tjetër polic, shtoi Rama, mbeti gjithashtu i dëmtuar gjatë përplasjeve.

Shefi i ekzekutivit mbrojti veprimet e forcave të rendit. Ndërhyrja ishte e detyrueshme, tha ai. Rama theksoi se njësia speciale RENEA ka për detyrë të veprojë sa herë ka kërcënim serioz.

Në të njëjtën linjë, ai paralajmëroi shtrëngim të masave për protestuesit që mbajnë maska. Rrethi ndaj tyre do të ngushtohet, deklaroi kryeministri. Ndërsa shtoi se mbetet i hapur për dialog me këdo që zgjedh komunikimin pa maska dhe pa dhunë. Përballë akteve të tilla, institucionet e shtetit do të jenë aty, nënvizoi ai.

“E dini pse ndodhi gjuajtja me plumb gome? Efektivi i policisë mori zarin e çelikut këtu, iu ça nofulla tjetrit dhe shoku në krah e largoi kriminelin që qëlloi. Merreni, shikojeni policinë në Francë. Çfarë është kjo? RENEA ka detyrë të dalë kur ka kërcënim. Doli dhe do dalë. Do të shtrëngohet rrethi ndaj tyre me maska. Kush do të flasë me mua pa maska, jam këtu. Kush dërgon mesazh me gurë e me maska, mua dhe shtetin na ka përballë”, theksoi ai.