Publikohet fotoja e Hatixhe Berishës që humbi jetën nga shpërthimi i fuqishëm në pallatin në Elbasan

Sot në Elbasan ndodhi një ngjarje tragjike: pas një shpërthimi të fuqishëm në një apartament, ka vdekur 82-vjeçarja Hatixhe Berisha, fotoja e së cilës u publikua pas ngjarjes.

E moshuara gjendej në banesën e saj, në të njëjtin pallat ku shpërthimi ndodhi në apartamentin e një fqinji, kur ndërtesa u trondit nga forca e goditjes. Eksplozioni la dëme të mëdha në strukturën e pallatit, ndërsa ekipet e ndihmës e gjetën 82-vjeçaren pa jetë.

Përveç vdekjes së të moshuarës, disa banorë të tjerë të ndërtesës pësuan asfiksi nga tymi. Të dëmtuarit u dërguan me urgjencë në Spitalin Rajonal të Elbasanit për të marrë ndihmën mjekësore të nevojshme.