“Pse, ty nuk të pëlqej unë?”, Rama në Bruksel, batuta me gazetaren për Shqipërinë: Nuk ka rëndësi, por…

Rama në Bruksel shkëmben batuta me gazetaren: “Pse, ty nuk të pëlqej?”

Kryeministri Edi Rama ndodhet sot në Bruksel si i ftuar i Samitit Euronews 2026. Ai pritet të mbajë një fjalim për perspektivat e turizmit, klimën e investimeve dhe potencialin e Shqipërisë.

Bashkëbisedimi me gazetaren e samitit nuk kaloi pa humor. Kreu i qeverisë iu përgjigj pyetjeve me batuta.

Në një moment Rama u shpreh: “Jemi hapur si vend, sepse njerëzit po shikojnë se ku janë mundësitë. Shqipëria ka kushtet për të punuar me investues të mëdhenj, në mënyrë serioze dhe profesionale.”

Gazetarja e pyeti: “Po pse të kanë qejf, mendon?”

Ai ia ktheu: “Pse, ty nuk të pëlqej?”

Ajo u përgjigj: “Po nuk ka rëndësi për këtë bisedë nëse më pëlqen apo jo.”

Më pas Rama vijoi: “Po ka shumë rëndësi, sepse nëse më pëlqen, e kupton pse më pëlqejnë ata. Dhe nëse ti nuk më pëlqen, duhet të të shpjegoj se përse duhet të më pëlqesh… Se bëj shaka. Nuk është se më pëlqejnë mua, por Shqipëria është shumë e bukur për të mos u pëlqyer.”