Protestuesit zhvendosen te “Zogu i Parë”, thyejnë xhama të bizneseve, djegin kosha dhe pengojnë ambulancën

Vijon kaosi në rrugët pranë qendrës së Tiranës. Pasi policia i shpërndau nga bulevardi “Dëshmorët e Kombit”, protestuesit janë zhvendosur në bulevardin “Zogu i Parë”.

Disa prej tyre kanë thyer xhamat e bizneseve private, ndërsa në të njëjtin bulevard, protestuesit kanë ndaluar edhe një ambulancë për të kontrolluar se çfarë transportonte.

Po ashtu, koshave të mbeturinave u është vënë flaka dhe janë vendosur në mes të rrugës.

Ndërkohë, kur ora shënon 16:45, protestuesit po grupohen në sheshin “Skënderbej”.