Protestat e dhunshme, 63 nga të arrestuarit dalin sot para Gjykatës së Tiranës, dje vetëm njëri u mbajt në burg!

63 të arrestuar dalin sot para Gjykatës së Tiranës për caktimin e masës së sigurisë. Ata u ndaluan pas dhunës së ushtruar gjatë protestave që kanë përfshirë vendin në katër ditët e fundit. Sipas të dhënave, grupi ka sulmuar me gurë dhe me lëndë molotov institucione shtetërore dhe punonjës policie.

Ndaj tyre rëndojnë akuza për disa vepra penale të rënda. Në dosje përfshihen "Goditje për shkak të detyrës", "Prishja e rendit dhe qetësisë publike" dhe "Shkelja e rregullave mbi lëndët plasëse dhe djegëse". Po ashtu, ata akuzohen për "Vjedhja e bankave dhe arkave të kursimit", "Shkatërrimi i pronës" dhe "Shkatërrimi i pronës me zjarr". Në akuzë janë edhe "Kundërshtimi i punonjësit të rendit publik" dhe "Prodhimi, mbajtja, blerja apo shitja pa leje e armëve të ftohta".

Një ditë më parë, gjykata shqyrtoi masën për 18 protestues të tjerë. Për njërin prej tyre u caktua "arrest në burg". Gjashtë të tjerë u lanë në "arrest shtëpie", ndërsa 11 morën masën "detyrim paraqitjeje".

Bilanci i dhunës mbetet i rëndë. Shkatërrimi i pronës publike dhe private, dëmtimi i institucioneve shtetërore dhe sulmet ndaj punonjësve të policisë kanë çuar në pranga 152 persona. Ndërkohë 324 shtetas të tjerë po procedohen penalisht në gjendje të lirë. Shifrat lidhen me protestat e tri ditëve të para në Tiranë dhe me tubimet e së enjtes në disa rrethe të vend