Protesta/ Ministria e Arsimit blindon dyert dhe dritaret me kompensatë

Në ditën e gjashtë të protestave pritet një tjetër tubim i qytetarëve. Ndërkohë Ministria e Arsimit ka marrë masa parandaluese për të mbrojtur godinat e institucioneve. Dyert dhe dritaret e saj janë veshur me kompensatë druri.

Pamjet nga godina tregojnë hyrjet e mbyllura me panele druri. E njëjta mbrojtje është vendosur edhe në dritare. Objekti po përgatitet për protestën e radhës.

Forcimi i sigurisë vjen pas përshkallëzimit të tensionit një ditë më parë. Atë ditë tubimi u shoqërua me përplasje. Përballë Kryeministrisë pati përplasje të shumta mes efektivëve të policisë dhe demonstruesve.

Bilanci i së djeshmes ishte 65 persona të lënduar. Mes tyre ka policë, protestues dhe kalimtarë të rastit. Gjatë trazirave u dogj një automjet në bulevard. Flakët përfshinë edhe ndërtesën e ish-Hotel Dajtit bashkë me disa biznese private, duke lënë pas dëme materiale.