“Prania Besnike”, Balla: Partia nuk bën shtet, deputeti s’bën favore

Taulant Balla, shefi i grupit parlamentar të Partisë Socialiste, ka prezantuar një model të ri pune për deputetët socialistë gjatë seancës së parë të sesionit të ri parlamentar. Ai e quajti këtë nismë "Prania Besnike".

Balla shpjegoi se socialistët do të ndryshojnë mënyrën e komunikimit me qytetarët. Sipas tij, kjo do të ndodhë përmes dy koncepteve: "Besës" dhe "Pranisë së Besnike". Kjo e fundit, sipas Ballës, nuk ka të bëjë me kalendarin elektoral apo mbledhjet partiake. Ajo është, siç u shpreh, një sistem që e kthen dëgjueshmërinë në kusht.

"Besës" i dha një përkufizim më të gjerë. "Besa nuk është vetëm një fjalë, por një besim, empati, besnikëri dhe angazhim", theksoi deputeti. Këto janë sipas tij parimet që duhet të udhëheqin çdo kontakt të tyre me popullsinë.

Në fjalën e tij, Balla insistoi se qytetarët kanë nevojë të dëgjohen. Ata duan të marrin përgjigje të qarta për çështjet e tyre. Pse kanë vonuar, ku ndodhet proceduralisht çështja e tyre, kur do të kthehet përgjigjja.

Kreu i grupit të PS-së bëri një dallim të qartë midis rolit të partisë dhe atij të deputetit. "Partia nuk bën shtet dhe deputeti nuk ndërmjetëson favore", tha Balla. Ligjvënësi, shtoi ai, sipas Kushtetutës dhe ligjit, duhet të jetë një lidhës midis territorit dhe institucioneve. Puna e tij është të dërgojë sinjal nga terreni te organet që duhet të përgjigjen.

Mirëpo,Ballë theksoi se kjo është fryma me të cilën grupi parlamentar socialist hyn në punë për këtë sesion të ri. Nisma "Prania Besnike" u prezantua si mjeti për ta realizuar këtë angazhim të ri.