Policia e Tiranës bëhet me drejtor të ri, Oliger Torba emërohet në krye të bluve të kryeqytetit!

**Oliger Torba merr drejtimin e Policisë së Tiranës**

Policia e kryeqytetit ka tashmë një drejtues të ri. Oliger Torba është emëruar në krye të këtij institucioni, me miratimin e kryepolicit Skënder Hita.

Që nga prilli i vitit aktual, Torba ka ushtruar detyrën e zëvendësdrejtorit. Ai u vendos në atë post në një kohë kur, me vendim të Hitës, Besmir Dervishi u shkarkua nga ky funksion. Më herët, Torba kishte shërbyer si zëvendësdrejtor në Policinë e Fierit.

Sipas të dhënave, ai ka qenë i komanduar së fundmi në Tiranë dhe marrja e gradës i ka hapur rrugën për t'u ngritur në postin e shefit të Policisë së Tiranës.