Pezullimi pas skandalit me certifikatat e COVID-it, Zvicra ndryshon qëndrim për kapitenin Granit Xhaka! Shqiptari grumbullohet me “Helvetët”

Granit Xhaka rikthehet në kombëtaren e Zvicrës nga nëntori. Federata Zvicerane e Futbollit ka vendosur thirrjen e mesfushorit shqiptar dhe të sulmuesit Breel Embolo, pasi bordi qendral shpalli vendimin pasi u përfunduan procedurat ligjore për skandalin e certifikatave të falsifikuara të COVID-19 në vitet 2021 dhe 2022.

Në arsyetimin e saj, SFV ka vlerësuar edhe dëmtimet sportive që lojtarët kanë vuajtur. Të dyja kanë munguar në katër ndeshje ndërkombëtare gjatë shtatorit dhe tetorit. Drejtori Pierluigi Tami theksoi se vendimi ndohet pas një analize të kujdesshme të rrethanave, të procedurave dhe të pasojave.

Lajmi i dytë i rëndësishëm: Xhaka mbetet kapiten. Trajneri Murat Yakin, stafi teknik dhe këshilli i lojtarëve kanë votuar unanimisht për vazhdimin e tij me shiritin. Listë zyrtare do të bëhet publike më 5 nëntor për dy ndeshjet e mbetura të Ligës së Kombeve.

Zvicra luan kundër Sllovenisë më 13 nëntor në Maribor. Tre ditë më vonë pranon Skocinë në St. Gallen. Katër fitorë në katër ndeshje kanë sjellë helvetët në pozitë të favorshme për të mbaruar me sukses këtë fazë.