Për shqiptarët që jetojnë në Gjermani, ky do jetë moti i kësaj jave atje

Gjermania hyn në një javë vjeshtore të zakonshme, e shënuar nga temperatura të ulëta, mjegull të dendur, ngrica natore dhe intervale me diell. Gazeta "Bild" parashikon mot të ndryshueshëm për ditët e ardhshme, me termometra që do të bijnë nën zero në disa zona.

Hënën do të mbijetojë vranësira, veçanërisht në veriperëndim, ku priten edhe reshje të lehta shiu. Në juglindje, ndërkohë, do të kemi kthjellime me intervale, ndërsa temperaturat maksimale do të lëvizin midis 4 dhe 12 gradësh Celsius, sipas ABC24.AL.

Nga e marta, një anticiklon i fuqishëm do të kufizojë reshjet në shumicën e territorit, por kjo nuk do të sillë qiej të kthjellë kudo. Lugina dhe zonat e ulëta do të mbulohen nga mjegull e dendur dhe vranësira të ulëta, të cilat mund të qëndrojnë gjithë ditën.

Perspektivat më të mira për diell do t'i kenë perëndimi dhe jugperëndimi, si edhe malet e jugut. Veriu dhe lindja do të mbeten më shpeshënë nën vranësira dhe mjegull.

Meteorologu Markus Eifried nga DWD e paraqet të enjten si ditën më të bukur të javes, kur dielli do të duket më shpesh në shumicën e vendeve. Temperaturat nga e marta deri të premten do të rrinë mes 4 dhe 11 gradë.

Shqetësim shtesë do të jenë natat e ftohta. Në zonat me qiell të pastër, termometrat mund të bien nga 0 në -2°C, ndërsa në vende të mbrojtura mund të arrinë -3°C.

Ekspertët paralajmërojnë shoferët për rrezikun e ngricave mëngjesore, xhamat e ngrirë dhe dukshmërinë e kufizuar nga mjegulla. Kujdesi i shtuar në rrugë është i detyrueshëm.

Edhe pse fundjavën u regjistruan reshje bore në Alpet bavareze dhe Fichtelberg, nuk pritet një hyrje dimërore të madhe. Vëmendja është kthehur tek datat 10 dhe 11 nëntor, kur mund të krijohen kushte për masë ajrore më të ftohta. Ende e padukshme rrezon nëse kjo do të sjellë ndryshime të rënda ose borë të reja.