“PD po mbytet prej Berishës”/ Salianji: Të gjithë e dinë se me të nuk fitojmë, por s’kanë kurajë ta thonë

“PD po mbytet nga Berisha” – Ervin Salianji del kundër kreut të demokratëve. Ai deklaroi se të gjithë e kuptojnë se me Berishën nuk arrihet fitorja, por mungon kurajua për ta thënë.

Ish-deputeti i Partisë Demokratike, Ervin Salianji, është shprehur me tone të forta kundër liderit historik Sali Berisha. E akuzoi si pengesën kryesore për rikthimin e opozitës në pushtet. Gjatë një interviste për “Albanian News Cast”, me gazetarin Arbër Hitaj, Salianji argumentoi se PD-ja aktuale është nën kontrollin e plotë të Berishës. Reformat e fundit në hierarkinë e partisë kanë përkeqësuar gjendjen, në vend që ta ndryshojnë atë.

“Partia Demokratike është e uzurpuar në këtë moment nga Sali Berisha. Ai është i dizavantazhuar dhe pengesa kryesore që PD dhe opozita të vijnë në pushtet dhe të largojnë Edi Ramën”, deklaroi Salianji.

Diskutimi u fokusua edhe në rotacionet e fundit në kupolën drejtuese të demokratëve. Salianji vuri në dukje se heqja nga detyrat e larta e figurave si Luçiano Boçi dhe Oerd Bylykbashi, ndërsa Flamur Noka vazhdon të mbajë pozicionin e tij të lartë, dëshmon mungesën e një ndryshimi të vërtet. Akuzoi Berishën se preferon të promovojë ata që kanë dështuar elektoralisht. Largon profilet me pavarësi politike ose rezultate konkrete.

“E gjithë kjo lëvizje u bë për të hequr dy persona. Aty janë ende Noka dhe Berisha. Të tjerët janë thjesht në plan të dytë. Nuk ka asnjë reformim real, situata është përkeqësuar. A u bë më mirë PD kur hoqi Boçin dhe Bylykbashin, por mbajti Nokën?”, pyeti retorikisht Salianji.

Ai theksoi se shumë demokratë që kanë marrë mbështetje nga bazë me votë, janë anashkalar në strukturat e partisë. Sipas tij, lidershipi aktual është rehatuar me humbjen. Shumë brenda saj besojnë se me Berishën në krye fitorja është e pamundur, por nuk guxojnë ta shprehin publikisht këtë qëndrim.

“Të gjithë në PD janë të bindur se me Sali Berishën nuk ecet përpara. Partia Demokratike po mbytet prej tij. Ai është barra kryesore që pengon rikthimin në pushtet”, shtoi deputetit.

Salianji nuk e fshehu as ambicien personale për të udhëhequr partinë. Ai konfirmoi se do të vijojë turin e takimeve me demokratët dhe qytetarët. Kërkon një PD të re, me ekip, qasje dhe platformë të përditësuar.

Në paketën e propozimeve të tij bën pjesë edhe ndryshimi i sistemit zgjedhor: proporcional kombëtar, lista plotësisht të hapura, vendosja e një pragji zgjedhor dhe koalicione parazgjedhore. Qëllimi është që deputetët të vijnë nga vota e drejtpërdrejtë e qytetarëve, e jo nga kryetarët e partive.

“Pa diskutim e shoh veten si kryetar të PD-së. Prandaj e nisa këtë lëvizje. Mendoj se demokratët duhet të kenë një qasje tjetër, një ekip tjetër dhe zgjidhje të mëdha për Shqipërinë”, nënvizoi ai.

Salianji njoftoi se në muajt e ardhshëm takimet do të shtohen. Ai tha se hapat e tij të ardhshëm politik do të varen edhe nga ecuria e brendshme në PD dhe nga zgjedhjet vendore.