Pas gjashtë javësh pushime, Parlamenti rikthehet më 8 shtator! Zbardhet rendi i ditës, ja 3 pikat që do diskutohen

Parlamenti shqiptar rikthehet në punime pas një pauze prej gjashtë javësh. Më 8 shtator, në orën 17:00, do të nisë Sësoni i III-të i Legjislaturës së XI-të.

Kryetari i Kuvendit, Niko Peleshi, ka lëshuar urdhrin nr. 51 datë 4 shtator 2026. Me këtë akt thirren deputetët në mbledhjen e parë plenare publike të vjeshtës.

Agjenda e parë e seancës parashikohet me tri pika konkrete. Së pari, do të bëhet hapja zyrtare e sesionit të ri. Ky vendim mbështetet në nenin 74, pika 1 të Kushtetutës dhe në rregulloren e punimeve të Kuvendit.

Më pas, deputetët do të shohin procesverbalet. Do të miratohen shënimet nga seanca e fundit, ajo e 27 korrikut 2026. Së fundi, në rend të ditës janë njoftimet. Do të prezantohen projektligjet e depozituara dhe nismat e reja ligjvënëse.

Rikthimi në sallë vjen në një klimë të ngarkuar politikisht. Priten debate të forta mes shumicës dhe opozitës. Tashmë veprimi opozitar dhe tensionet mes instancave vazhdojnë të jenë në qendër të vëmendjes publike.