Opozita braktis sallën, dështon mbledhja për “Zgjedhoren”, s’ka paqe mes PD dhe PS! Demokratët kërkojnë plotësimin e kushteve

Mbledhja për Reformën Zgjedhore dështon, opozita dhe socialistët largohen nga salla

Mbledhja e Komisionit për Reformën Zgjedhore dështoi. PD mori pjesë në seancë, por palët nuk u dakordësuan për ndryshimin e rendit të ditës.

Në emër të demokratëve, bashkëkryetari Oerd Bylykbashi kërkoi që reforma të diskutohet përmes rekomandimeve të OSBE-ODIHR. Demokratët mbetën në qëndrimin se seanca nuk mund të vazhdonte pa rend dite të dakordësuar. Ata vendosën veto pro rekomandimeve të ODIHR.

PD propozon sistem proporcional kombëtar me lista 100% të hapura. Kërkohet edhe që listat e këshillit bashkiak të jenë 100% të hapura.

Bylykbashi kërkoi zëvendësimin e çështjes aktuale me prioritetin e rekomandimeve të ODIHR. Ai përmendi “garantimin e fushës së barabartë të garës duke ndarë shtetin nga partia dhe ndalimin e abuzimit me pushtetin shtetëror në zgjedhje”. Sipas tij, kjo çështje është hapur për diskutim në muajt qershor-korrik. Komisioni ka organizuar për të edhe një tryezë të madhe konsultimi me partnerë dhe ekspertë ndërkombëtarë dhe shoqërinë civile. Ajo është prioritare për t'u përfunduar para zgjedhjeve të 9 majit 2027.

Pas kësaj, PD la sallën. Pak minuta më vonë u larguan edhe anëtarët e PS-së.