Numëron një gol dhe një asist në Champins, mbrojtësi shqiptar do të masë forcat me yjet e Real Madridit

Numëron një gol dhe një asist në Ligën e Kampionëve, mbrojtësi shqiptar do të masë forcat me yjet e Real Madridit

AEK-u i Athinës e ka përpara një ndeshje mjaft të vështirë sot në mbrëmje. Nga ora 18:45, kampionët e Greqisë do të luajnë kundër Realit të Madridit. Padyshim, kjo do të jetë një nga ndeshjet më emocionuese të karrierës së Stavro Pilos.

Mbrojtësi i Kombëtares shqiptare po tregon nivel të lartë në Ligën e Kampionëve, ku deri tani ka shënuar një gol dhe ka dhënë një asist. Megjithatë, sot është çasti për të dëshmuar vlerën e tij, sepse përballë do të ketë një superfuqi si Reali i Madridit. Me Diomandenë në krahun e djathtë, për Pilon diçka është e sigurt: do të përjetojë mbrëmjen më të lodhshme të karrierës së tij.