“Nuk qëllohet mbi Policinë, or trim”, Balla nxjerr videon nga protesta: Asnjë veprim i paligjshëm nuk do të mbetet pa vendosur autorin para ligjit!

Deputeti i Partisë Socialiste Taulant Balla ka publikuar të shtunën pamje nga një protestë që mbahej para Ministrisë së Arsimit në Tiranë, në të cilat një protestues qëllon me gurë drejt efektivëve të Policisë shtetërore.

Pamjet e postuara në platformat e mediave shoqërohen me një reagim të ashpër nga ana e deputetit, i cili thotë se autori i veprimit paligjshëm është identifikuar dhe do të përballet me ligjin.

„Asnjë veprim i paligjshëm nuk do të mbetet pa vendosur autorin para ligjit! Nuk qëllohet mbi Policinë, or ‘trim’“, shkruan Balla në postimin e tij.