“Nuk meritonim vërshëllimat”! U mposht me 4 gola nga Italia, Montela e ka me tifozët turq: Nuk e prisja pas asaj që kemi bërë e vitet e fundit

Montella kritikon vërshëllimat pas humbjes së thellë ndaj Italisë: Nuk e prisja

Transferta në Itali u mbyll në mënyrë të hidhur për Vinçenco Montelën. Kombëtarja e Turqisë u mposht 4-1 nga Italia. Humbja ishte e rëndë.

Pas ndeshjes trajneri ka folur për "Sky Sports". Aty ai ka analizuar paraqitjen dhe ecurinë e skuadrës në Ligën e Kombeve. Fokusi i tij ishte te mënyra se si nisi takimi.

"30 minutat e para ishin për t’u harruar. Nuk ishim të përqendruar mendërisht dhe, për të luajtur në këtë nivel çdo tri ditë, nevojitet diçka më shumë. Dy vite më parë ishim në Serinë C, vitin e kaluar fituam Serinë B dhe duhet të përmirësohemi. Për mua, këto janë mësime të rëndësishme", tha Montela.

Tekniku u ndal edhe te reagimi i tifozëve turq në stadium. Ai u shpreh i zhgënjyer nga kontestimi i hershëm.

"Jo, tifozët vërshëllyen edhe pas rezultatit 1-0, dhe ata (lojtarët) nuk e meritonin. Në fund të pjesës së parë, patjetër që po. Në fillim kishte një atmosferë të mrekullueshme. Nuk e prisja një gjë të tillë, sidomos duke marrë parasysh atë që ka bërë skuadra në tre vitet e fundit", deklaroi Vinçenco Montela.