Ngjarje shokuese në Gjermani, futbollisti helmon për vdekje shokun e skuadrës dy javë para dasmës, shkak një grua!

Një futbollist 35-vjeçar është arrestuar në Gjermani nën dyshimin se ka helmuar për vdekje shokun e tij të skuadrës, vetëm dy javë para martesës.

Policia gjermane ka arrestuar një futbollist të klubit amator TuS Rockenberg të martën, më 1 shtator. Lojtari, i cili quhet Marius, akuzohet se në mënyrë të fshehtë i ka dhënë shokut të skuadrës helm gjatë një udhëtimi në Drezden me pjesën tjetër të ekipit.

Viktima, i quajtur Filip, u ndje keq gjatë udhëtimit. Pasi u kthye në shtëpi, situata e tij u bë shumë më e rënduar dhe familjarët e 30-vjeçarit thirrën ambulancën. Ai vdiq në spital një ditë më vonë, pavarësisht tentativave të mjekëve për ta mbajtur në jetë.

Më pas, autopsia përcaktoi se vdekja kishte ardhur si pasojë e një helmimi që kishte sjellë mosfunksionimin e organeve të tij. Në atë periudhë, të afërmit mendonin se ndoshta kishte pësuar helmim nga peshku, meqë kishin konsumuar peshk gjatë udhëtimit.

Megjithatë, policia më vonë nisi të dyshonte për Marius.

“Ne mendojmë se ky ishte një akt hakmarrjeje”, tha prokurori publik Tomas Hauburger për mediat lokale.

Sipas zërave që qarkullojnë në Rokenberg, të dy futbollistët ishin zënë për një grua. I akuzuari, i cili ndodhet në paraburgim, nuk ka dhënë asnjë deklaratë rreth akuzave.