“Mos u habisni kur…”- PD braktisi mbledhjen, PS i vendos afate PD për Reformën Zgjedhore! Balla: Pas 30 nëntorit i çojmë propozimet në Kuvend

Taulant Balla u bëri të ditur deputetëve të opozitës: Nëse ata bojkotojnë komisionin për reformën zgjedhore, Partia Socialiste do t’i dorëzojë propozimet e veta në Kuvend.

Pretendimet e PD-së se po anashkalohen rekomandimet e OSBE-ODIHR-it, kreu i grupit parlamentar të PS i quajti “teatër” që vazhdon “prej një dekade”.

Ai dha edhe një premtim të qartë për zgjedhjet e ardhshme të 9 majit.

“Teatër prej një dekade që lidhet me rekomandimet e OSBE-ODIHR. Nëse deri më 30 nëntor PD nuk vjen në komision për të punuar së bashku, hedh shashka dhe ne i diskutojmë. Ata e bojkotuan komisionin. Nuk ke pse abuzon me një të drejtë që ne të kemi dhënë. PD t’i sjellë propozimet në komision, por bojkoton komisionin me të drejtën që ne të kemi dhënë…

Dua t’i them PD: Ne do t’i japim Shqipërisë mundësinë që të zhvillojë zgjedhjet e 9 majit. Kjo për të siguruar që edhe bashkitë që u bashkuan të kenë anëtarët e vet në këshillat bashkiakë.

PD duhet të kuptojë që edhe ne kemi pasur disa propozime. Për shembull, rikthimi i numërimit në qendrat e votimit. Nëse PD nuk vjen në komision deri më 30 nëntor, mos të habitet. Ne do t’i çojmë propozimet tona në Kuvend”, tha Balla.

Përgjigju vetëm në shqip.