Ministri Nufi takohet me Komandantin e ri të KFOR, Roberto Vergori: Shqipëria kontributin aktiv në sigurinë dhe stabilitetin e Kosovë e më gjerë

Ministri i Mbrojtjes, Ermal Nufi, priti sot në takim Komandantin e ri të misionit të NATO-s në Kosovë (KFOR), Gjeneralmajorin Roberto Vergori. Biseda u përqendrua te roli që luan ky mision në garantimin e sigurisë dhe stabilitetit në Kosovë. U diskutua edhe kontributi i tij për ruajtjen e paqes në rajon.

Nufi theksoi gjatë takimit rëndësinë e veçantë që KFOR-i ka për Shqipërinë. Ai e lidhi këtë qëndrim drejtpërdrejt me angazhimin e vazhdueshëm të vendit në këtë mision.

“Kontributi ynë i vazhdueshëm dhe i palëkundur në këtë mision dëshmon rëndësinë e veçantë që i kushtojmë mandatit dhe rolit të tij në promovimin e sigurisë dhe stabilitetit në Kosovë dhe në mbarë rajonin”, u shpreh ministri i Mbrojtjes.

Kreu i Mbrojtjes e uroi Gjeneralmajor Vergorin për mandatin që sapo ka nisur. Me këtë rast, ai nënvizoi edhe një herë qëndrimin e Shqipërisë si aleate e angazhuar brenda NATO-s.

“Shqipëria mbetet e përkushtuar ndaj përgjegjësive të saj si anëtare e përkushtuar e NATO-s, duke vijuar të kontribuojë në përpjekjet e përbashkëta për një rajon më të sigurt, të qëndrues