Me kokainë, kanabis dhe municione në makinë, arrestohet 27-vjeçari në Tiranë
Shërbimet e Forcës së Posaçme “Shqiponja” goditën një tjetër rast të sigurimit të llojeve të ndryshme të lëndëve narkotike dhe
Efektivët e njësisë policore "Shqiponja" kanë arrestuar një 27-vjeçar të hënën në Tiranë, pasi u kap me sasi kokaine, kanabisi dhe municione luftarake në automjetin e tij.
Burimet zyrtare bëjnë me dije se operacioni u krye nga specialistët e Seksionit për Hetimin e Narkotikëve. I arrestuari është identifikuar si shtetasi J. C., 27 vjeç, me banesë në Paskuqan.
Ai u vërejt teksa ndodhej në një mjet të parkuar në rrugën "Jordan Misja", ku po shpërndante lëndë narkotike me qëllim shitjen në zona të ndryshme të kryeqytetit. Kur pa shërbimet policore, 27-vjeçari u mundua të ikte me vrap nga vendi i ngjarjes.
Gjatë kontrollit fizik dhe atij të automjetit, uniformat blu gjetën e sekuestruan disa doza me kokainë e Cannabis Sativa, si dhe një sasi municioni luftarak. Materialet hetimore i kaluan prokurorisë për hapa të mëtejshëm procedural.
Shkruar nga
Redaksia ABC24
Artikujt e firmosur "Redaksia ABC24" përgatiten nga desku qendror i lajmeve — ekipi që mbulon lajmet 24 orë në 7 ditë. Sinjalet e lexuesve, lajmet e minutës së fundit dhe kërkesat për korrigjim kalojnë të gjitha nga kjo tryezë redaksie, ku çdo tekst rishikohet kolektivisht para publikimit.
- Desk qendror i lajmeve 24/7
- Rishikim editorial kolektiv
- Verifikim me të paktën dy burime
Diskutimi
Komentet
Lë një koment
Komentet miratohen nga redaksia para se të shfaqen.