“Me burg të dënohen ata që bëjnë vrasje”, Manjani kundër dënimit të Veliajt: Nuk duhej të ishte arrestuar!

Juristi Ylli Manjani është shprehur në “Top Story” kundër arrestimit të kryebashkiakut të Tiranës, Erion Veliaj.

Ai u shpreh se arrestimi i Veliajt shkakton dhe një presion te gjyqtarët që e gjykojnë, sepse kanë një masë sigurie mbi “kurriz”.

Manjani gjithashtu u ndal edhe te Parlamenti Europian, të cilin e quajti si “institucionin më të papunë në Europë”.

“Për të qenë korrekt, nuk ka menduar dikush për shqiptarët. Ajo që duket dhe është e qartë, është një kauzë që prodhon mjegull dhe mjegulla shkon në favor të ujkut. Nëse duhet të ndërtojmë një diskutim mbi standardet, po standardet mungojnë. Nuk kam menduar ndonjëherë që arresti me burg është gjë e mirë, sipas konceptit tim zbatohet ose kur e zë me presh në duar ose kur ka bërë vrasje. Çdo gjë tjetër është e negociueshme. Ne e tregojmë arrestin me burg si të vetmin mjet. Kur u fut edhe kjo kultura e pandëshkueshmërisë, në emër të popullit… Kjo është kot. Këtu s’ka të pandëshkueshëm. Ajo fjala burg ka dalë nga korridoret e politikës. Kjo ka krijuar këtë kauzë ligjor.

Erion Veliaj nuk duhet të ishte arrestuar që në krye të herët, sipas pikëpamjes time. Një gjyqtar që gjykon një akuzë penale, kur nuk ka masë sigurie mbi kurriz, e ka shumë më të kollajtë kur nuk e ka procesin e masës së sigurisë. Gjyqtarët që gjykojnë dosjen “Partizani” janë shumë më të relaksuar, sepse nuk ka masë sigurie në kurriz.

Së dyti, në Shqipëri flasin të huajt, sidomos këta njerëzit pa punë të PE-së, unë nuk kam ndonjë respekt për këta. Patrlamenti Europian është institucioni më papunë në Europë. Nëse je shok i Gaz Bardhit, do flasësh si Gaz Bardhi. Kaq është Parlamenti Europian”, tha Manjani.