Lëndohet në protestë bashkëshortja e Sokol Olldashit!

Pedagogia e Fakultetit të Drejtësisë, Enkelejda Olldashi, ka mbetur e lënduar gjatë protestës së ditës së sotme.

Bashkëshortja e ish-deputetit të ndjerë, Sokol Olldashi, ka qenë pranë studentëve në mbështetje të kauzës së të rinjve për kushte më të mira dhe një të ardhme me dinjitet në Shqipëri.

Teksa ndodhej në zonën e Rrugës së Durrësit, zonja Olldashi nuk i shpëtoi gazit lotsjellës të policisë dhe shihet duke lotuar, ndërsa të rinjtë i vinë në ndihmë.

TCH publikoi pamjet e momentit kur ajo duket se u prek nga gazi lotsjellës dhe shihet pedagogia teksa vrapon për të ndihmuar një të ri që po shoqërohej nga policia.