Kthesë e re për P Diddy-n: Data e lirimit të reperit nga burgu është shtyrë përsëri

Sean "Diddy" Combs do të qëndrojë prapa hekurave edhe më gjatë sesa ishte parashikuar. Qendra Federale e Paraburgimit në Fort Dix, New Jersey, ka konfirmuar se data e lirimit të reperit të famshëm është shtyrë përsëri.

Për herë të fundit, lirimi i tij ishte planifikuar për më 5 shkurt të vitit 2028. Megjithatë, ky afat pësoi një tjetër ndryshim.

Më herët, mediumi Page Six raportoi se data ishte zhvendosur në korrik, nga 23 shkurti në 24 janarin 2028. Ky shtyrim erdhi pas një konflikti fizik dhe verbal mes Combs dhe një tjetër të burgosuri në burg. Sipas burimeve, grindja eskaloi dhe i detyroi rojet të ndërhyjnë për t'i ndarë. Si pasojë, reperi u vendos në izolim deri në muajin gusht.

Një tjetër ndryshim u shënua edhe në fillim të këtij muaji, kur faqja zyrtare e agjencisë së burgjeve tregonte se ai do të lirohej më 20 shkurt 2028. Tani, data e re është 5 shkurti i vitit 2028, sipas informacionit të fundit nga qendra e paraburgimit.

Byroja Federale e Burgjeve ka refuzuar të komentojë mbi këto ndryshime apo mbistatusin disiplinor të të burgosurve. Në një deklaratë për shtyp, ata u shprehën se, "për arsye privatësie, sigurie dhe mbrojtjeje, nuk publikojnë të dhëna rreth kushteve të paraburgimit të asnjë personi, duke përfshirë orarin e akomodimit apo statusin e tyre disciplinor".

Sean Combs u dënua në muajin korrik me 50 muaj burg. Gjykata e shpalli fajtor për dy akuza për transportim me qëllim prostitucioni. Ai u shpall i pafajshëm për akuza më të rënda, duke përfshirë trafikimin seksual me forcë dhe komplotin për shantazh.

Pas dënimit, Combs u transferua nga Qendra Metropolitan e Paraburgimit në Brooklyn në Fort Dix. 56-vjeçari ende përballet me dhjetëra padi civile, që ngrenë akuza për sulme seksuale, përdorim droge dhe trafikim qeniesh njerëzore. Ai i mohon të gjitha pretendimet.