Kaos! Protestuesit bllokojnë “Rrugën e Elbasanit”, rëndohet trafiku

Protestuesit kanë bllokuar mbrëmjen e sotme qarkullimin në kryqëzimin afër "Rrugës së Elbasanit" në Tiranë, duke shkaktuar trafik të rënduar në zonë.

Në kuadër të një tubimi kundër qeverisë, demonstruesit kanë mbajtur qëndrim në mes të rrugës, duke penguar kalimin e automjeteve. Mes thirrjeve kundër kryeministrit Edi Rama, disa prej tyre kanë zgjedhur të bllokojnë akset rrugore si formë përshkallëzimi të protestës.

Veprimi i tyre është bërë shkak për vonesa të gjata dhe ka rënduar ndjeshëm lëvizjen në pjesë të kryeqytetit. Ky lloj bllokimi nuk është i panjohur, pasi është përdorur edhe në tubimet e fundit, duke sjellë pasoja të drejtpërdrejta në trafikun urban.