Incident në paraburgimin e Komisariatit të Sarandës, i arrestuari sulmon efektivët! Kishte 2 precedentë penalë, i gjendet edhe pistoletë me mulli

Në orët e para të mëngjesit të 9 qershorit, në Komisariatin e Policisë së Sarandës shpërtheu një incident i rëndë. Një i ndaluar 22-vjeçar, me inicialet D.S., shkaktoi trazira në ambientet e paraburgimit.

Ngjarja nisi kur i arrestuari kërkoi të dërgohej në tualet. Gjatë shoqërimit për t’u kthyer në dhomë, ai kundërshtoi fuqimisht efektivët. 22-vjeçari goditi dhe hodhi sende të ndryshme që ndodheshin në korridorin e policisë.

Situata përkeqësoja shpejt, aq sa edhe të ndaluarit e tjerë u përfshinë në përpjekje për ta qetësuar. Më në fund, me ndërhyrjen e forcave shtesë, i riu u neutralizua dhe u izolua sërish.

Ai është nga Tirana, por qëndronte me qira në Sarandë për sezonin veror. Arrestimi i tij u bë në kuadër të operacionit të quajtur “Vjeshta”. Ndaj tij rëndojnë edhe dy precedentë të mëparshëm penalë në kryeqytet.

Gjatë kontrollit në banesën e tij me qira në Sarandë, policia zbuloi edhe një armë. Iu gjet dhe iu sekuestrua një pistoletë me mulli.