EMRI/ Gruaja tre ditë e zhdukur pa gjurmë në Rrogozhinë, familjarët apelojnë për ndihmë!

Familja e Saxhide Dishës, gruaja e zhdukur në Rrogozhinë, bën thirrje publike për ndihmë. Ajo nuk dihet ku ndodhet prej tri ditësh.

Kërkimet e strukturave shtetërore vijojnë pa ndërprerje. Deri më tani, asnjë gjurmë nuk është gjetur nga ana e forcave të kërkimit.

Për këtë arsye, familjarët kërkojnë nga çdo qytetar që mund të posedojë informacione rreth vendndodhjes së saj, të lajmërohet menjëherë. Çdo detaj, sado i vogël, mund të jetë vendimtar.

Për çdo të dhënë që ndihmon në gjetjen e saj, kontaktoni në numrin: +355 68 200 3339. Familja fton mediat dhe publikun ta shpërndajnë këtë njoftim.

Shpërndarja e gjerë e lajmërimit është shpresa e tyre e vetme për të gjetur Saxhiden dhe për t’i rikthyer atë në shtëpi.