EMRAT / 31 masa “Arrest në burg” në Tiranë, ja kush janë personat e operacionit “Shkolla të Pastra”

Pas katër muajsh hetime intensive në kryeqytet, Policia e Tiranës ka zbardhur identitetet e personave të arrestuar në operacionin e koduar "Shkolla të Pastra". Bëhet fjalë për zbatimin e 31 masave të sigurisë "arrest në burg".

Në qendër të hetimit ishin disa grupe kriminale të dyshuara për shpërndarje droge. Sipas policisë, aktiviteti zhvillohej pranë shkollave 9-vjeçare dhe gjimnazeve, si dhe në disa zona të tjera të Tiranës.

Në burg janë dërguar Genti Jaupi, Endrit Balla, Eduart Oleff, Bledar Kasa, Erlind Vlashi, Denis Shoti dhe Armando Koçi. Masa është zbatuar edhe për Ernest Hamollari, Janaq Nakuçi, Shpëtim Çiçiku, Engrid Henaj, Enis Maliqaj, Franci Papajani dhe Klement Metallari. Vijojnë Ram Tafaj, Klajdi Malaj, Isuf Dine, Ferit Xhani, Bestar Malaj, Igli Avxhi, Arnold Lila dhe Sefer Allushi. Listën e plotësojnë Elton Tola, Arbias Prenga, Vilson Mete, Durim Matja, Eljado Prendaj, Nikolla Shkarpa, Armando Kuqi, Taulant Alstafa dhe Volf Ramadani.

Përveç tyre, gjatë fazës paraprake të hetimit ishin ndaluar shtatë persona të tjerë. Ata janë Ksainel Caka, Gezim Muhameti, Zhuljan Prenci, Erald Tafani, Darlin Shahinas, Donaldo Frate dhe Marin Tabaku.

Policia bën me dije se numri i përgjithshëm i personave të identifikuar si të implikuar arrin në 52. Ndërkohë 14 të tjerë janë shpallur në kërkim.

Gjatë hetimeve dhe ndërhyrjes për ekzekutimin e masave janë sekuestruar sasi të konsiderueshme droge dhe sende të tjera. Sipas të dhënave zyrtare u konfiskuan 1 kilogram e 75 gramë heroinë, 1 kilogram e 265 gramë kokainë dhe 685 gramë kanabis. Po ashtu u gjetën një pistoletë, 90 fishekë, dy peshore elektronike, 12 automjete dhe 35 celularë.

Hetuesit kanë zbuluar se në disa raste droga shpërndahej me monopatina, taksi ose përmes shërbimit delivery. Kjo mënyrë zgjidhej për të shmangur kontrollin e policisë.

Hetimet po vazhdojnë. Fokusi mbetet kapja e 14 personave në kërkim dhe dokumentimi i plotë i aktivitetit të paligjshëm.