Dyshohet i përfshirë në trafik armësh, arrestohet në “Rrugën e Elbasanit” 49-vjeçari me precedentë! I gjenden pistoletë, jelek antiplumb dhe…

49-vjeçari me precedentë penalë, i arrestuar në Rrugën e Elbasanit me pistoletë dhe jelek antiplumb

Policia ka vënë në pranga një 49-vjeçar me precedent të theksuar për vepra kundër jetës dhe mbajtje të paligjshme të armëve.

Eduart Dushku u ndalua në Rrugën e Elbasanit, teksa udhëtonte me motomjet dhe kishte me vete një pistoletë me municion. Autoritetet dyshojnë se ai kishte për qëllim ta trafikonte armën.

Gjatë kontrollit në shtëpinë e tij, u gjet edhe një jelek antiplumb. Po ashtu, u sekuestruan arma, motomjeti dhe telefoni celular i tij.

Sipas njoftimit zyrtar, operacioni me kodin “Eksponenti” u finalizua nga hetuesit e seksionit që merret me trafiket, në bashkëpunim me njësinë “Shqiponja”. Informacionet e mbledhura gjatë punës operative u përpunuan shpejt, çka çoi në arrestimin në flagrancë të shtetasit E. D., 49 vjeç, banues në Tiranë.

Motomjeti i tij u ndalua për kontroll në Rrugën e Elbasanit. Gjatë kontrollit të tij, u gjet pistoletë me municion, të cilën E. D. dyshohet se do ta trafikonte.

Më pas, gjatë kontrollit në banesën e tij, u gjet jeleku antiplumb. Materialet procedurale u dërguan në Prokurori për veprime të mëtejshme.