Drogë në trëndafila, sekuestrohen 100 kilogramë kokainë kolumbiane në aeroportin e Athinës, mes të arrestuarve edhe 4 shqiptarë!

Një operacion i përbashkët mes Policisë së Greqisë dhe agjentëve të Administratës për Luftimin e Drogave (DEA) të Shteteve të Bashkuara solli sekuestrimin e 100 kilogramëve kokainë në Aeroportin e Athinës.

Mbrëmjen e së mërkurës u ndaluan gjashtë persona gjatë ndërhyrjes. Mes të arrestuarve janë katër shtetas shqiptarë, sipas të dhënave të para.

Droga ishte maskuar brenda një ngarkese me trëndafila të freskët, e ardhur nga Kolumbia në Greqi.

Hetuesit grekë dhe amerikanë kanë filluar punën për të zbardhur plotësisht aktivitetin e rrjetit. Informacionet e para sugjerojnë se organizata mund të ketë edhe anëtarë të tjerë, të cilët ende nuk janë vënë në pranga.

Hetimet vazhdojnë për të identifikuar persona të tjerë të përfshirë dhe për të zbuluar destinacionin përfundimtar të ngarkesës së drogës.