“Djali yt i përfshirë”- Kokalari akuza Berishës nga SHBA-të: Vetëm paratë e karteleve mund të financojnë 10 milionë dollarë lobim! Je subjekt hetimi nga SPAK

Aktivistja Evi Kokalari ka sulmuar ashpër liderin e Partisë Demokratike, Sali Berisha, në një reagim publik ndaj fjalimit të tij të fundit në Shtetet e Bashkuara. Ajo e akuzon atë se po përpiqet të manipulojë opinionin me gënjeshtra.

Kokalari pretendon se familja e Berishës mbetet nën sanksione ndërkombëtare për një arsye të qartë. Ajo shkruan në rrjetin social se djali i tij dyshohet të jetë i përfshirë në krimin e organizuar të trafikut të narkotikëve. Aktivistja bën thirrje që të ndalet gënjeshtra.

Në shkrimin e saj, Kokalari lidh shpenzimet e mëdha për lobim me burime të paligjshme. Sipas saj, vetëm paratë e pastruara nga karteleve të drogës mund të financonin 10 milionë dollarë për kompaninë Continental Strategy dhe konsulentin Chris LaCivita. Ajo thekson se asnjë biznesmen apo politikan i ndershëm nuk do të kishte mjete të tilla.

Aktivistja përfundon duke iu drejtuarBerishës se ai vijon të jetë subjekt i një hetimi të madh nga Prokuroria e Posaçme kundër Krimit dhe Korrupsionit të Niveli të Lartë (SPAK). Ajo paralajmëron se drejtësia do ta arrijë atë, pavarësisht përpjekjeve për ta vonuar atë.