Dita e dytë e bojkotit në Gjykatën e Tiranës, Administrata vijon protestën për pagat, asnjë shërbim për qytetarët!

Edhe pse gjyqtarët parashikuan të shtynin vendimin për bojkot deri më 10 shtator për t’u shprehur përfundimisht mbi konfliktin institucional mbi pagat, Administrata e Gjykatës së Tiranës ka ndjekur një rrugë tjetër. Ajo vazhduan të mos ofrojnë shërbime për qytetarët edhe gjatë së mërkurës, si formë proteste për pagat e munguara.

Sekretarë gjyqësorë, staf ftues dhe sanitare nuk u paraqitën në detyrë që nga ora 08:00, duke lënë pa u regjistruar dhe zhvilluar seancat gjyqësore. Dyert e administratës mbetën të mbyllura.

Gazetarja Anila Hoxha raporton se punonjësit këmbëngulin për një zgjidhje të menjëhershme të situatës së krijuar nga pagesat e vonuara të muajit gusht. Protesta e administratës, e cila nisur një ditë më parë me ndërprerjen e punës për disa orë në Gjykatën e Tiranës dhe të Apelit, ka hyrë tashmë në ditën e saj të dytë.