Dinamo dështon në Korçë, Skënderbeu triumfon 2-0 dhe merr tri pikë të arta!

Në stadiumin e Korçës, Skënderbeu ka siguruar tri pikë të rëndësishme nüjavën e 11-të të Kategorisë së Parë, duke mposhtur Dinamon me rezultat 2-0.

Ndeshja ofroi tension dhe shumë episoda, me penallti, ndërhyrje të VAR-it dhe polemika, por korçarët që mbanë peng më në fund.

Pjesa e parë përfundoi pa gola, pa asnjë shans të qartë për ndonjërin nga ekipet.

Situata ndryshoi në minutën e 63-të, kur Dinamo pati penallti. Bruno Dita provoi ta shënojë, por portieri Dobjani e ndaloi goditjen.

Vetëm pak minuta më vonë, VAR-u u bë protagonisti. Pas një ndërhyrjeje ndaj Bismark në zonë, arbitri Kreshnik Cjapi rishikoi pamjet dhe akordoi penallti për Skënderbeun.

Në minutën e 70-të, Naser shënoi nga pika e bardhë, duke hapur rezultatin.

Dinamo nuk arriti të reagojë dot, dhe në minutën e 85-të, Bismark vulosi golin e dytë, duke mbyllur ngjarjen.

Me këtë fitore, skuadra e Julian Ahmatajt largohet nga zona e ftohtë e tabelës dhe konfirmon ambiciet për të vazhduar në kërkim të titullit.