Dhunoi Eduart Kuçin dhe postoi pamjet në rrjetet sociale, Gjykata e Apelit jep vendimin për këngëtarin Jozefin Marku!

Gjykata e Apelit ka zbardhur sot, më 29 shtator, vendimin për ankimimin e masës së sigurisë ndaj këngëtarit Jozefin Marku. Masa e caktuar për të është detyrim paraqitje.

Marku u arrestua në ditët e para të shtatorit. Prangosja erdhi pasi në rrjet u shpërndanë pamje filmike ku ai, së bashku me disa persona të tjerë, shfaqej duke dhunuar Eduard Kuçin.

Sipas dyshimeve paraprake, ngjarja ka ndodhur afër mbikalimit të Rinasit. Në videon e publikuar duket momenti kur Kuçi ndalohet në mes të rrugës dhe nxirret me forcë nga automjeti i tij.

Nga hetimet e deritanishme rezulton se për ta ndaluar është përdorur edhe një tabelë me mbishkrimin e Policisë së Shtetit.