Dëmtimi i frikshëm që shokoi në natën e parë të Champions, Borussia Dortmund në ankth për Karetsas!

Shqetësimet për gjendjen shëndetësore të Konstantinos Karetsas i hodhën hije fitores së Borussia Dortmund në ndeshjen e parë të Ligës së Kampioneve kundër Villarrealit. Klubi gjerman nuk e shijoi plotësisht suksesin për shkak të frikës për futbollistin e tyre të ri.

Greqi 17-vjeçar, për të cilin kishte shprehur interesim edhe Milani verën e kaluar, u detyrua ta lërë fushën e lojës shumë herët në takimin me spanjollët. Karerfsasi u zëvendësua në minutën e 24-t, duke krijuar panik në stol.

Fillimisht, vetëm pak sekonda pasi u rrëzua në bar, u duk se bëhej fjalë për një dëmtim të zakonshëm muskular. Lojtari qëndronte i shtrirë në tokë, duke kërkuar ndihmën mjekësore. Mirëpo, arsyeja e vërtetë ishte shumë më serioze.

Një komunikatë zyrtare nga Borussia Dortmund sqaroi të vërtetën shqetësuese. Aty shkruhej: ‘Konstantinos Karetsas u detyrua të lërë fushën e lojës për shkak të problemeve me qarkullimin e gjakut. Duke parë rrethanat, Kosta është mirë dhe është dërguar në spital për ekzaminime të tjera mjekësore.’

Klubi siguroi menjëherë tifozët se gjendja e të riut ishte stabile, por fakti që u transportua në spital dëshmon për shkallën e madhe të shqetësimit. Tashmë, të gjithë presin me padurim rezultatet e ekzaminimeve të thelluara.