ABC24.al është gazeta dixhitale shqiptare që ofron lajme të besueshme, analiza të thelluara dhe reportazhe ekskluzive 24 orë në ditë.
Ministri i Punëve të Brendshme, Ervin Demo, vizitoi një galeri arti të ngritur në ambientet e një ish-bar kafeje të

Ministri i Punëve të Brendshme, Ervin Demo, vizitoi një galeri arti të ngritur në hapësirat e një ish-bar kafeje të konfiskuar nga autoritetet shtetërore. Gjatë vizitës, Demo shprehu angazhim për të zgjatur bashkëpunimin me organizatat e shoqërisë civile, me qëllim që pasuritë dhe vlerat monetare të konfiskuara t’u shërbejnë më shumë qytetarëve dhe komuniteteve në të gjithë vendin.
Ambientet, që më parë ishin në pronësi të një personi të lidhur me krimin, tani janë kthyer në hapësira krijimi për grave dhe të rinj. Aty krijohen punime artistike e artizanale dhe zhvillohen aftësitë e tyre.
Demo theksoi se “dobësimi i krimit është një mundësi shumë e mirë që ne të fuqizojmë komunitetet”, duke e lidhur këtë objektiv me përdorimin e pasurive të konfiskuara dhe partneritetin me organizatat që punojnë në territor. “Ne do ta vazhdojmë dhe do ta intensifikojmë këtë traditë tashmë, për të vazhduar mbështetjen dhe, pse jo, të zgjerojmë edhe numrin e organizatave me të cilat ne bashkëpunojmë”, tha ai.
Sipas tij, bashkëpunimi mes Ministrisë së Punëve të Brendshme, Agjencisë së Administrimit të Pasurive të Sekuestruara dhe të Konfiskuara dhe shoqërisë civile është thelbësor për përdorimin e suksesshëm të këtyre burimeve. Angazhimi përfshin zgjerimin e gamës së aktiviteteve dhe të numrit të përfituesve, me vëmendje të veçantë ndaj njerëzve në nevojë dhe mundësive që programet u krijojnë të rinjve.
Ministri nënvizoi rëndësinë e luftës kundër krimit të organizuar nga Policia e Shtetit, Prokuroria e Posaçme dhe institucionet e tjera ligjzbatuese, duke theksuar njëkohësisht nevojën për mbështetjen e komuniteteve dhe fuqizimin e organizatave që veprojnë pranë tyre.
Një pjesë të fjalës, Demo ia kushtoi ruajtjes së zanateve dhe produkteve tradicionale. Ai e vlerësoi galerinë, si një model me rëndësi për përcjelljen e aftësive të brezi të ri i artizanëve dhe për ruajtjen e traditës vendase.
Ministri evidentoi nevojën për të nxitur përfshirjen e të rinjve në artizanat dhe për të mbështetur mjeshtrat në transmetimin e njohurive të tyre. Ruajtja e këtyre aftësive dhe produkteve, sipas tij, ndihmon në mbrojtjen e autenticitetit të zonave dhe në zhvillimin e turizmit në vend.
Shkruar nga
Redaksia ABC24
Artikujt e firmosur "Redaksia ABC24" përgatiten nga desku qendror i lajmeve — ekipi që mbulon lajmet 24 orë në 7 ditë. Sinjalet e lexuesve, lajmet e minutës së fundit dhe kërkesat për korrigjim kalojnë të gjitha nga kjo tryezë redaksie, ku çdo tekst rishikohet kolektivisht para publikimit.
Diskutimi
Komentet miratohen nga redaksia para se të shfaqen.