Debati për pagat e gjyqtarëve, Gogu: Vendimin do ta marrë Kuvendi

Projektligji për pagat e gjyqtarëve pritet të dalë për debat në seancën plenare të 17 shtatorit. Kjo është njoftuar nga ministri i Drejtësisë, Toni Gogu, gjatë mbledhjes së Komisionit të Ligjeve.

Gogu ka sqaruar se sipas një vendimi të Gjykatës Kushtetuese, kompetenca për përcaktimin e rrogave u takon ligjvënësve. Ai theksoi se kjo do të ndodhë në Kuvend.

I pyetur për veprimet e institucioneve të pavarura, siç është sistemi gjyqësor, ministri u shpreh se nuk do të komentonte ato. "Nuk besoj që i shërbejnë këtij diskutimi kënaqësitë që mund t'i dhurojmë algoritmit," u shpreh Gogu. "Magjistratët janë të pavarur. Unë nuk jam për të komentuar veprime që bëjnë institucione të pavarura të shtetit shqiptar," shtoi ai.

Në fund, Gogu përsëriti se "Kuvendi ka kompetencën, Gjykata Kushtetuese ka vendosur një rend, ka caktuar Kuvendin e Shqipërisë të përcaktojë pagën e gjyqtarit."