“Dallgë e vështirë për PS-në, por nuk e rrëzon anijen”- Ish-deputeti Petro Koçi: Dëmi më i madh që mund të shkaktojë…

Petro Koçi, ish-deputet i Partisë Socialiste, ka qenë mysafir në emisionin "Off the Record" të A2CNN ku ka shpjeguar përplasjen midis kryeministrit Edi Rama dhe kryebashkiakut të Tiranës, Erion Veliaj. Ai ka përdorur një metaforë detare për të përshkruar momentin e rëndë që jeton PS-ja. Sipas Koçit, konflikti duket si një valë e madhe që e vështirëson navegimin e anijes socialiste, por nuk e rrezikon fundit të saj.

"Bëhet fjalë për një situatë ku ka dallgë, ku anija e ka të vështirë për të manovruar, për të ecur në itinerarin e vet, është një përplasje serioze. Dëmi më i madh është në tërësinë e vet, se sa një dëm që prek njërën apo tjetrën palë. Nuk mendoj se është një dallgë që mund ta rrëzojë anijen, por është një dallgë e vështirë, në kuptimin e impaktit moral që krijon me detin e njerëzve. Me detin e atyre që e duan PS-në dhe që shpresojnë te ajo", ka deklaruar ish-deputeti.

Koçi thekson se dëmtimi kryesor nuk është personale, por kolektiv. Partia Socialiste si institucion mbart peshën më të madhe të kësaj krize, veçanërisht në planin etik dhe në lidhjen me bazën elektorale. Anija lëviz, por valët e forta kërkojnë komandim të matur për të mbetur në rrugë të duhur.