Çështja e pagave/ Prokurorët shqyrtojnë padinë civile, diskutohet edhe kallëzimi penal ndaj Financave! Edhe SPAK dorëzon listpagesat me formulën e re

Pas mbylljes së takimit urgjent mes kryeprokurorëve të rretheve dhe shefit të tyre, Olsjan Çela, u bë e ditur se po shqyrtohet një rrugë ligjore e re për çështjen e bllokuar të pagave. Sipas burimeve të pranishme, përpjekja do të jetë gjyqësore civile dhe jo penale.

Zgjidhja e propozuar është ngritja e një padie civile për të çbllokuar situatën. Kjo mundësi u diskutua në mbledhjen që drejtoi prokurori i përgjithshëm. Ndërkohë, pritet dalja e një komunikate të përbashkët për mediat.

Për të diskutuar të njëjtën çështje, në orën 15:00, kryetari i Gjykatës së Lartë ka mbledhur kryetarët e të gjitha gjykatave në vend. Gjatë këtij takimi pritet të ngrihet edhe ideja e një kallëzimi penal drejtuar SPAK-ut, në drejtim të Ministrisë së Financave.

Një dhënien shembull në bllokadën e pagave është Gjykata Kushtetuese. Ajo është e vetmja institucion gjyqësore që ka paguar pagat për muajin gusht. Dje, gjykata konfirmoi se pagesa u bë duke u bazuar ende në formulën e vjetër.

Edhe Prokuroria e Posaçme kundër Korrupsionit dhe Krimit të Organizuar, SPAK, ka depozituar listëpagesat për të njëjtin muaj. Burime pranë kësaj prokurorie sqaruan se pagesat për gusht u kryen gjithashtu sipas skemës së vjetër të pagave.

Mirëpo, sot kryeprokurori i SPAK, Klodian Braho, mbajti një takim me prokurorët e posaçëm. Agjenda e mbledhjes ishte mënyra se si do të procedohej me listëpagesat e muajit shtator. Sipas burimeve të sigurta të pranishme në mbledhje, u vendos që pagesat për shtatorin të përpilohen sipas formulës së re.

Kjo formulë e re rrjedh nga vendimi i Gjykatës Kushtetuese, i dhënë në shkurt 2026, dhe do të zbatohet për prokurorët e posaçëm dhe të gjithë administratën e SPAK.