“Berisha gënjeu demokratët”- Bejko: Hyri në lojë paraja në formë dollari! Rrëmbeu PD, s’ka më të drejtën morale të fitojë zgjedhjet, është ende non grata

Roland Bejko, ish-udhëheqës i Partisë Demokratike dhe politolog, akuzon kreun demokrat Sali Berisha se ka shpenzuar para për të siguruar vizën amerikane.

Në një intervistë të dhënë për mediat, Bejko është shprehur qartë se statusi "non grata" i Berishës nuk ka pësuar ndryshim.

Sipas tij, Berisha mashtroi demokratët dhe e shfrytëzoi partinë për përfitime personale. Ai e konsideron kryedemokratin të pamoralshëm për të garuar në zgjedhje.

Bejko tha se kjo lëvizje nuk i solli asgjë Berishës përveç kënaqësisë personale të kalimit të oqeanit. "Kjo ishte beteja e tij për pesë vjet: të merrte partinë dhe të sfidonte barrierën amerikane. Dhe ia doli," vlerësoi ai.

"Para në formë dollari hynë në lojë, i dhanë Berishës hapësirën të kapërcente oqeanin. E rrëmbeu PD-në me forcë. Me këtë akt, humbi çdo të drejtë morale për të fituar zgjedhjet," shtoi ish-demokrati.

Më tej, Bejko u ndal në faktin se Berisha mbetet sërish subjekt i sanksioneve ndërkombëtare. Ai nuk ka asnjë kredibilitet politik për fitore, sipas tij.

"Sa të jetë Berisha në krye, PD nuk bëhet dot pushtet. Këtë tashmë e kuptuan të gjithë. Partia i shërbeu interesave të tij private. Pa postin e kryetarit, nuk do të mund të merrte atë vizë," u shpreh Bejko.

Ai e përshkroi situatën e liderit demokrat si një leje shkurtër për të burgosurin. "Non grata nuk është hequr," përfundoi politologu.