Avokati përplaset me organizatorin e protestës: Ju paguan Sali Berisha o shpellarë, jeni korba e sorra!

Në studion e emisionit "Repolitix" në Report TV, moderuar nga Denis Minga, shpërthen një debat i ashpër mes avokatit Idajet Beqiri dhe Ilir Xhemalajt, organizator të protestave në Tiranë. Të dy palët shkëmbyen akuza të forta mbi motivet dhe financimin e lëvizjeve protestuese në kryeqytet.

Beqiri hodhi pretendimin se aktivistët dhe pjesëmarrësit në tubime po marrin pagesa nga kreu i opozitës, Sali Berisha. Sipas tij, shumica dërrmuese e personave që dalin në rrugë nuk i përkasin kryeqytetit. "Mbi 90% e atyre që shihni aty janë korba e sorra," shprehu me tone akuze avokati, duke shtuar se Tirana ka popullsi prej një milion banorësh, kurse numri i protestuesve arrinte në 200 veta.

Xhemalaj, nga ana e tij, i cilësoi këto akuza si të pavërteta dhe hodhi akuza drejtuar beqirit se është i lidhur me qeverinë e kryeministrit Edi Rama. Ai mohoi të jetë jashtë Tiranës, duke u përgjigjur prerë: "Unë jam në Tiranë që nga viti 1996." Ai e akuzoi avokatin se me deklaratat e tij po degradon protestën dhe kauzën e qytetarëve.

Debati u ndez edhe më shumë kur u diskutuan veprimet e protestuesve përpara Kryeministrisë. Xhemalaj u shpreh: "E pe ti që e rrethuam Edi Ramën ne në Kryeministri?" Beqiri e konsideroi këtë veprim "shpellar" dhe jo europian, duke theksuar se kërkesat nuk arrihen me slogane si "Rama n’ burg".

Teksa tensionet vazhduan, Xhemalaj përmendi një incident të mëparshëm, duke thënë: "Macronin e qëlluam me pëllëmbë në Francë." Kjo deklaratë u bë pjesë e replikave të ashpra që karakterizuan përplasjen në studio.