Autoboti përplaset me urën në Elbasan, raportohet edhe për rrjedhje gazi, evakuohen banorët! Shkaqet ende të panjohura

Një autobot është përplasur me pjesën e sipërme të Urës së Lizës në Mengël të Elbasanit. Ngjarja ka ndodhur pas mesnatës së 23 shtatorit.

Goditja me strukturën e urës dyshohet se ka shkaktuar rrjedhje gazi. Kjo situatë solli shqetësim te banorët që jetojnë pranë vendngjarjes.

Për këtë arsye u mor masa e evakuimit të përkohshëm. Banorët dhe personat që ndodheshin në afërsi u larguan nga zona.

Autoritetet ndërhynë menjëherë në terren. Perimetri u sigurua për të shmangur çdo rrezik shtesë. Sipas tyre, nuk ka më asnjë rrezik për banorët.

Rrethanat e aksidentit nuk janë zbardhur ende plotësisht. Deri tani nuk ka një informacion zyrtar dhe të detajuar mbi shkaqet.