Ambasadorja e BE-së në Tiranë nis takimet zyrtare, Moreira de Sousa pritet nga Kryeministri Rama, diskutohet dhe integrimi i Shqipërisë
Ambasadorja e re e Bashkimit Evropian në Tiranë, Sofia Moreira de Sousa, ka nisur takimet zyrtare me krerët e shtetit
Ambasadorja e re e Bashkimit Evropian në Tiranë, Sofia Moreira de Sousa, e ka filluar menjëherë agjendën e saj zyrtare pas marrjes së detyrës. Ajo zëvendëson në këtë post diplomatikun e mëparshëm, Silvio Gonzaton.
Në kuadër të vizitave të saj të para, sot (8 shtator) u zhvillua një takim mes saj dhe Kryeministrit Edi Rama. Biseda mes tyre u fokusua edhe në ecurinë e procesit të integrimit evropian të Shqipërisë.
Ky ishte dialogu i parë zyrtar i ambasadores me kreun e qeverisë shqiptare. Më herët, më 2 shtator, ajo i pati paraqitur letrat kredenciale Presidentit të Republikës, Bajram Begajt.
Shkruar nga
Redaksia ABC24
Artikujt e firmosur "Redaksia ABC24" përgatiten nga desku qendror i lajmeve — ekipi që mbulon lajmet 24 orë në 7 ditë. Sinjalet e lexuesve, lajmet e minutës së fundit dhe kërkesat për korrigjim kalojnë të gjitha nga kjo tryezë redaksie, ku çdo tekst rishikohet kolektivisht para publikimit.
Diskutimi
Komentet
Lë një koment
Komentet miratohen nga redaksia para se të shfaqen.