“Zjarri u izolua plotësisht”- Flakët përpinë lokalin në katin e 11-të të pallatit në Shkodër, kryebashkiaku Beci: Mirënjohje zjarrfikësve dhe…

Shkodër: zjarri në katin e 11-të të një pallati, Beci falënderon forcat e ndërhyrjes

Në zemër të Shkodrës, flakët kanë kapluar një biznes të vendosur në katin e 11-të të një ndërtese, duke shkaktuar alarm në zonë.

Zjarri ka rënë në hapësirat e biznesit në kat të sipërm, ndërsa era e fortë po e ndihmon përhapjen e flakëve dhe e komplikon ndërhyrjen.

Të dhënat e para tregojnë se nga ky incident nuk ka raporte për persona të lënduar.

Në vendngjarje kanë arritur shërbimet zjarrfikëse, të cilat po punojnë për fikjen e flakëve dhe rivendosjen e kontrollit.

Shkaku i zjarrit dhe përmasat e dëmeve materiale mbeten për t'u përcaktuar.

Kryetari i Bashkisë, Beci, ka reaguar menjëherë.

Në postimin e tij ai shkruan:

“Mirënjohje çdo punonjësi të shërbimit zjarrfikës, Policisë së Shtetit, Policisë Bashkiake dhe shërbimit shëndetësor për gatishmërinë dhe reagimin e shpejtë ndaj zjarrit në qendër të qytetit.

Zjarri është izoluar plotësisht, ndërsa institucionet përkatëse po hetojnë për zbardhjen e shkaqeve.

Faleminderit të gjithëve që me përkushtim e profesionalizëm, u angazhuan për sigurinë e qytetarëve në ato momente!”