Zjarr i madh në Libofshë, era favorizon flakët që përhapen me shpejtësi drejt tokave bujqësore

Një vatër zjarri u shfaq mesditën e së mërkurës, 1 tetor, në fshatin Daullas të Libofshës në Fier.

Flakët fillimisht u ndezën në kanalet e mbuluara me kallamishte. Më pas, të ndihmuara edhe nga era, ato u përhapën me shpejtësi në disa parcela bujqësore përreth.

Fatmirësisht nuk raportohet rrezik për banesa. As pronat e fermerëve nuk janë të kërcënuara deri tani.

Ekipet zjarrfikëse mbërritën menjëherë në vendngjarje. Ato po punojnë për të izoluar vatrën dhe për të shuar plotësisht flakët.