Zidane e nis me fitore te Franca kundër Turqisë, Mbappe sjell golin e fitores

Zinedine Zidane e ka nisur me fitore aventurën në krye të Francës. Të besuarit e tij triumfuan 1-0 ndaj Turqisë në transfertë, në duelin e parë të Grupit A1 të UEFA Nations League. Suksesi erdhi në Kocaeli.

Përballja në Kocaeli u zhvillua me rivalitet të madh. Nikoqirët u mbrojtën mirë dhe kërkuan rrezikun me kundërsulme të shpejta. Francën e ndihmoi posedimi dhe cilësia më e lartë në qarkullimin e topit. Megjithatë goli u zhbllokua vetëm pas pushimit.

Kylian Mbappé vendosi fatin e takimit. Sulmuesi i Real Madridit gjeti rrjetën në minutën e 54-t dhe i dha Francës avantazhin që rezultoi vendimtar. Festën e zbehu dëmtimi. Pak minuta pas golit, ai ndjeu dhimbje në gju dhe provoi të qëndronte në fushë, por u detyrua të linte lojën në minutën e 59-të. Federata Franceze sqaroi se bëhet fjalë për një dëmtim në tendinën e gjurit dhe njoftoi se futbollisti është rikthyer në Madrid për ekzaminime më të detajuara.

Për Zidane ky ishte një debutim ideal. Tre pikët e para në grup i japin qetësi startit të tij në stolin blu. Nga ana tjetër, Turqia e mbylli pa pikë javën hapëse, ndonëse tregoi garë dhe organizim solid ndaj një kundërshtari me emër.